اهل الخطايا والكبر والعنادي

من طرف **المكارم** الإثنين فبراير 28, 2011 3:23 pm

إن كنت تصدق في غلا إنسان لإنسان،،
أبيك تسمع كلمة في حنيني،،!
ودي تصدقها إذاكنت ولهااان،،
وتسمع صداااها في زماني وسنيني،،!
أقول اشتقت لك وقلتها لك عطشان،،
وودي أروي بشووووفك ضامي الوقت فيني،،

العهود إللي على قلبي عهود
عهد مني ماتهون محبتك
احتويت كل المحبة بالوجود
ماتشوف عيوني إلاصورتك
تشهد أفراحي وضيقاتي شهود
كيف غيرت حياتي بطيبتك
كيف طوقت نهاري بالورود
كيف نورت سماي بنجمتك
من يكون فلان وفلان منهو يكون؟
ضاعت الأسماء بطاري سيرتك
ماحسبت الحظ في مثلك يجود
لين ضميت خفوقي براحتك
الليالي في غيابك سود سود
كل ضحكاتي تموت بغيبتك
الغلامابيننا ماله حدود
جعلني فدوة رضاك وضحكتك
ودامناحبين فخذ مني عهود
[وعد مني ماتهون محبتك]

اللهم إن لي من بين خلقك
من طابت لي في الحياة رفقتهم
وصفت لي بين القلوب مودتهم
فجمل في الدنيا هيئتهم
وسدد في الخير مسيرتهم
وأحفظ بين الخلق كرامتهم
وعطر بين الناس سمعتهم
وأرفع عند الحساد مهابتهم

ماتت حروفي وانا احط القلم وآشيل
تعبت ألملم تعابيري وأجمعها..
لاجيت بكتب (وداعآ) ياغلاي تسيل
دمعات عيني وتجرحني مدامعها..
أذكر وداعك وانا خايف اودعك باالحيل
وكني لدنياي بوداعك أودعها..
ياشوق قلبي لوتفيدالمراسيل
لكتب وداعك بنبض القلب واطبعها..

إذا شفت المطر إفتح يديك
واجمع اللي تقدر عليه
شفت اللي جمعته؟ هذا شوقك لي
تبي تعرف شوقي لك؟!
[باقي المطر اللي عجزت تجمعه]

هناك أناس ينحتون في أعماقنا مشاعر رائعة
ويخلدون فينا ذكرى لاتمحى
نهفو إلى رؤياهم ويزداد الوجود بهم
لنا الفخر بحبهم ولنا الشرف بصحبتهم
وننتظر بفارغ الصبر رؤ يتهم
فليحفظهم الله أينما كانو
وليدم الله فينا حبهم

يموت العاشق المغرم وهو ينطر يشوف مناه
يموت ولا لقا خل(ن) حياة الهم يبعدها
لكن الصاحب الغالي عسى كل العرب تفداه
مادامه أهو جنبي حياتي وش ينكدها

أنا غبت عن دنيتك بأمر الظروف
غبت وشجون فكري تتبعك
كل ما حاولت أبكتب لك حروف
انكسر سن القلم فـي موضعه
مدري اللي يمنعه نفس الكفوف
أو هي الأقدار يمكن تمنعه
ودي أرسلك مـع الغيمة حلوف
وأعـتذر لك إذا قصرت بيوم معك..!

مايزعج النفس إلابعد غاليها
ولايسعد القلب إلاشوفه أحبابه
ياعين خلي دموعك فيك خليها
القلب يكفيه من الاحزان ماصابه
يكفي حياتي غلا الغالين ماليها
لوشفتهم زال كل الضيق وأسبابه

ماهو جفا لو شفتني عنك أبطيت..
عمر الجفــا ماراود النفس يمك..
باسم الغلا ساكن وبالقلب حليت..
بقصى خفوقي مسكنك يوم ضمك..
لا ما اتخلى عنك لو غبت وابطيت..
غلاك يسري بي مثل مسار دمك..!

أضـيق وألقـى ضحكتي في محياك
وأتعب وأحصـل راحتي بيـن أياديك
الله يخليـك ويديمك ويرعـاك
والله يلوم اللي يلوم الهوى فيـك

ياكبر قدرك بالضمير ومقامك
أبيع لأجلك كل مخلوق واشريك
كني أطيرمن الفرح لارتياحك
لاصرت مستانس وهلت طواريك
تعجبني البسمه ولهجة سلامك
أحبها لا أقبلت وأفز أحييك
تفرق على غيرك طريقة كلامك
في ذمتي كل العرب ماتساويك

أضيق وأذكر صديق لي يسليني
وأنسى همومي إلا مني تذكرته
إليا شكيت المواجع له يراعيني
ولا مر طيفه علي في الليل سامرته
هذا صديقي ولا غيره يواسيني
ياجعل ربي يسقي زمان فيه خاويته

يشهــد علي الله ماطيق فرقاك
وما أنساك أنا لوقيل قلبك نسانــي
ماتسوى الدنيا بعيني بلياك
والله ولاتسوى شبر من مكانــي
هذا الغلا اللي رسمته بيمناك
وهذا الكلام اللي نطق به لسانـي

خذني بحنانك وطف البرد بعظامي،،
يمكن بحضنك إنام الليل وأحكيلك،،
محتاج آسافر بعيد فيك باإحلامي،،
وأنزل بصوتي على شاطيء مواويلك،،
وأحط راسي على صدرك شوق وهيامي،،
وأترك خفوقآ تعذب فيك يحكيلك،،

جعل الله يومك خير الأيام
وأعانك في الخير بما تستطع

ولذكر الله تستمع

ولشكره لا تنقطع

وبدعاء الله تتطلع

فهو مجيب مستمع

وفي الجنة نجتمع

اللهم آمين

بعض العرب حبي لهم تقضية وقت

وبعض العرب حبي لهم حب عادي

بعض العرب لا قابلوني تضايقت

اهل الخطايا والكبر والعنادي

وبعض العرب لا غاب عني تشوقت

شوفه على ماقيل غاية مرادي

تغيبون عن نواظرنا..
وما غابت غلاوتكم
نعبر عن مشاعرنا..
ونذكر صوت ضحكتكم
ترى حتى رسايلنا..
تحن لطيب شوفتكم
ولازلتم حبايبنا..
برغم البعد نذكركم